Femene in machina 2 - le vacanse estive!

Ecome ancora qua, l'argomento xè sempre lo stesso, ma con na bea variante: le femene che guida par nare in ferie d'istà!

Gavì da savere che da giugno ad agosto le strade (in particolare le autostrade) se popola de strani individui. A te i riconossi par 2 robe fondamentali:
1) solitamente i gà a machina carica pi de na fameia de africani che gà da fare un trasloco.
2) i guida come dei dementi!

Fosse tutto qua, non saria mia tanto da preoccuparse, un poco de brivido ghe voe sue strade ma...provè a metere n'altro punto nell'elenco sora:
3) al volante ghe xè na femena!!!

Desso ve conto un paro de fatti, de quei che non te sè se ridare o se nare in ciesa par ringrasiare de essere ancora vivo.
El primo episodio lo gò visto par nare a Bologna verso Ferrara, na matina ale 8-8.30 in un autogrill. Sto autogrill el gà el so bel parcheio grande, un pochi de parchegi davanti l'autogrill, un pochi verso l'autostrada. Sti ultimi i gà na bea tetoia in tela ma non la xè tanto alta ansi, na machina la ghe stà giusta giusta.
A son drio montare in machina dopo aver bevù un cafè e vedo rivare na machina, bea carica...rue de drio che quasi sciopa, sora la capota un portatutto e na bici da signora. Premetto che de parcheggi liberi ghin xè diversi, se podeva scegliere queo che pi te piaseva...e a machina dea nà? Dritta a manetta soto a tetoia, sensa tante remore. El pilota al volante però non gaveva calcolà forse che sora la so capota el gaveva la bicicleta e infatti dala bota coa tetoia se ghemo catà a bici in meso al parchegio dopo che la stessa la se gà cavà dal porta bici e la xè sciocà sora el bagagliaio.
Quando go vesta la scena go ditto:"chi xeo sto fenomeno?". Dala machina xè smontà 2 persone...queo che pareva el mario...bestemando...e dal lato guida....a femena de so moiere!!!

El secondo episodio (la fasso curta) lo gò visto par nare verso Jesolo/Caorle. Dopo aver bevù el solito cafè parto, a son a 50 metri prima de imeterme in autostrada spunta na machina davanti a mi! Ma come... @#!!can a go pensà...na machina controman?!?!
E invesse si, na vecia femena (e sicuramente rimbambita) la gà da aver mancà l'entrata dell'autogril e alora la gà pensà ben de vegner rento par l'uscita! Se iero 40 metri pi vanti a fasevino na paca che la lanciavo a Mestre centro!!